Ola, este é o blog de 2º ciclo do CEIP "Virxe do Carme".É dicir, é o voso blog: alumnado, pais e compañeiros de 2º ciclo de Primaria. Pero, como non podía ser doutro xeito, está aberto a caquera persoa que queira pasarse por aquí, para informarse, comentar... Xa tedes postas algunhas fotos e varios enlaces que vos poden interesar. Iremos engadindo novas fotos das excursións que vaiamos realizando e outras informacións que consideremos que podan ser do voso interés. Benvidos ao voso blog!!!
O pasado xoves os nenos e nenas de 4º nivel realizaron unha visita á "EMBUTIDOS O MAZO" en Riotorto. Alí visitaron os diferentes sectores da fabrica observando o proceso de salgado, o de embutidos...Ao remate ata lles fixeron un agasallo: uns chourizos...!!
O alumnado de 4º nivel fixo unha visita ao concello para ver os distintos departamentos do mesmo onde recibiron explicacións por parte dos traballadores/as.
O que máis lles gustou dende logo foi cando a policía local lles deixou subirse nas súas motos e coches.
No blog da biblioteca:http://abibliotecadatartaruga.blogspot.com.es/ e no de O Gato dos Castros:http://ogatodoscastros.blogspot.com.es/podedes ver fotos e vídeos da festa do Magosto. Aquí deixo tamén unha mostra do que aconteceu ao redor desta data:
En 3º nivel quixemos realizar o ciclo da auga para que os nenos e nenas o entendensen mellor. A través de demostracións cercanas sempre se comprenden mellor os conceptos.
3º A
Cortamos unha botella de plástico:
Poñemos pedras e area no fondo:
Metemos encima un vaso con auga:
Tapamos con plástico:
Despois de estar ao sol uns días vemos como parte da auga se evaporou e condensou volvendo a caer outra vez no vaso.
Hoxe, o alumnado de 3º nivel, acompañado polas súas titoras, viaxou a Vilanova de Lourenzá para visitar o Pazo de Tovar e o Mosteiro de S. Salvador.
Tiveron ocasión de percorrer todo o pazo-fortaleza de Tovar, de subir á Torre, de ver os aparellos que se usaban para traballar o liño e velo todo nun vídeo...sempre cunha guía, Marta, que lles foi explicando dun xeito sinxelo e ameno tódolos secretos que garda o Pazo.
Despois visitamos o Mosteiro de S. Salvador onde vimos o sartego do Conde Santo, o relicario e o retablo do Mosteiro. Tamén tivemos ocasión de ver os cocos ou cabezudos. Para isto contamos coa guía Mª José, que moi amablemente nos foi explicando todo.
Foi unha viaxe ben aproveitada ao concello da Mariña luguesa que eleximos para traballar este curso dentro do proxecto da biblioteca. PAZO DE TOVAR
