VIAXE A S. MARTIÑO

Onte venres, os nenos e nenas de 3º nivel e as súas mestras achegámonos a S.a Martiño para visitar a basílica e Espazo Caritel.

Na basílica, a guía falou ao alumnado das imaxes que se poden ver nalgún capitel e ensinoulles o sepulcro onde se gardan os restos do Bispo Gonzalo, cuia lenda eles/as xa coñecían.

Logo fomos visitar Espazo Caritel. Un lugar onde se mestura natureza e arte.

O “Espazo Caritel” está formado por unha sala de exposicións que no seu baixo alberga o taller do propio artista e un xardín de máis de tres mil metros cadrados que acolle especies das máis diversas.

4º NIVEL NA GRANXA DO SOUTO

Onte, xoves, os nenos e nenas de 4º nivel acompañados polas súas titoras desplazáronse a Mera (Ortigueira), á granxa do Souto onde poideron desfrutar en plena natureza de animais como coellos, vacas, cabalos...practicando ademais a equitación. Tamén poideron apreciar diversos cultivos da horta.

Pasárono xenial!!

XORNADA DE CONVIVENCIA EN CANGAS

O pasado mércores o alumnado de 4º, 5º e 6º tiveron unha xornada de convivencia en Cangas.

Foron andando dende o colexio e ao chegaren compartiron xogos populares e repuxeron forzas cun xantar no mesmo campo de xogos.

Pasárono en grande!!

4ºB: MOMENTOS DE LECTURA

Aproveitando estes días de primavera o alumnado de 4ºB acompañado pola súa mestra Helena saíu fóra na sesión de lectura.

Calquera sitio é bo para ler e se é en plena natureza moito mellor!!

XORNADA DE CONVIVENCIA

Como cada ano por estas datas, o alumnado de 1º, 2º e 3º de E. Primaria acompañados polas súas titoras e por Teresa, Belén, Fe, Cristina, Xabier e Xesús  fomos á Cangas para celebrar unha xornada de convivencia.

O alumnado, repartido en equipos, participou en xogos colectivos nos que o pasaron en grande.

LOURENZÁ. O PDI DE 3º NIVEL

Podedes ver o traballo realizado durante este curso polo alumnado de 3º nivel sobre o concello que eleximos dentro do PDI "A NOSA COMARCA".

Traballamos sobre Lourenzá. Aínda  queda algunha cousiña sen rematar que publicaremos tamén en canto estea lista.

Lourenzá

Publish at Calameo

COIDAMOS E PROTEXEMOS AOS ANIMAIS

O alumnado de 4º nivel participou nunha actividade promovida pola aula GAIA do Concello de Burela sobre a protección e o coidado dos animais.

Unha adestradora e unha veterinaria viñeron ao noso centro acompañadas por Blues. 

Blues é un can moi ben adestrado que saca a roupa da lavadora, vai polas chaves, busca obxectos polo olfacto...e fixo as delicias dos nenos e nenas!!