Blog de 2º ciclo Virxe do Carme: ACTIVIDADES DÍA DO LIBRO

Como non podía ser doutro xeito, o noso cole tamén celebrou o DÍA DO LIBRO. Quen ten máis relacións cos libros que un colexio e unha biblioteca??
Nós celebramos este 23 de abril do seguinte xeito:

- O día 21 visitounos o escritor Gonzalo Moure para falar co alumnado de 3º e 4º nivel sobre os seus libros, especialmente de CAMA E CONTO, que os nenos e nenas xa leran.

- Propuxemos, dende a Biblioteca que cada curso elaborara unha lista de 6 libros recomendando a súa lectura.

- O curso de 6º A elaborou uns marcapáxinas sobre Cervantes e Shakespeare e decorou pasillos con debuxos de estes escritores.

- O curso de 3ºB elaborou uns carteis en forma de libro con lemas que invitan á lectura.

- Noutros cursos tamén se elaboraron actividades relacionadas con esta data como: estudo da vida e obra de Cervantes e Shakespeare, caderniños sobre O Quixote...etc

- Fíxoselle o agasallo dun marcapáxinas aos nenos e nenas de 1º A por ser o curso que máis visita a biblioteca para intercambio de libros. Proximamente, tamén se lles fará entrega dun diploma.

VISITA DE GONZALO MOURE

LIBROS QUE RECOMENDAN OS NENOS/AS E PROFES

IMOS CELEBRAR O DÍA DO LIBRO!!

Ola, nenos e nenas de..................., o día 23 de abril celebramos o “DÍA DO LIBRO”. Aínda que, como seguro que vos gusta ler, vós celebrádelo durante todo o ano porque desfrutades das historias que contan os libros tódolos días. A que sí?

O DÍA DO LIBRO é unha conmemoración celebrada a nivel mundial co obxectivo, entre outros, de fomentar a lectura. Escolleuse o 23 de abril porque coincide coa morte de dous grandes escritores coñecidos mundialmente: Miguel de Cervantes e William Shakespeare.

Dende a biblioteca, queremos celebrar esta data propoñéndovos que elixades entre todos, 6 libros que vos gustaran moito e que recomendedes aos compañeiros/as. Non hai mellor publicidade que o comentario “boca a boca”. Quere esto dicir, que sodes vós os que mellor podedes recomendar un libro a outra persoa para que se anime tamén a lelo.

Eu comprometome a mirar se os libros que recomendades está algún na biblioteca e se non está, comprometome a compralo. Así que xa sabedes, a recomendar libros que vos gustaran e a seguir lendo para desfrutar, para aprender, para soñar....

Ahh..., os profes ao mellor queren tamén recomendarvos algún libro ou queren ter na biblioteca libros para consultar. Eles tamén poden pedir!!!!

Unha aperta para todos.

Data de recollida: 30 de abril

Carmiña, a mascota da biblioteca

LIBROS QUE RECOMENDAN OS NENOS E NENAS:

1.- __________________________________________________________